TRUE BLUE – Mbështetja e CEI për Trajnimin dhe Kërkimin për të Zbuluar dhe Forcuar potencialin e Ekonomisë së Kaltër të qëndrueshme për bashkëpunimin rajonal dhe integrimin në BE

Nëpërmjet këtij projekti, CEI – Iniciativa Qendrore Evropiane mbështeti avancimin e një Ekonomie të Kaltër të Qëndrueshme.
Projekti TRUE BLUE, i udhëhequr nga OGS, synon të transferojë njohuri përmes aktiviteteve të zhvillimit të kapaciteteve në Bosnje dhe Hercegovinë, Mal të Zi dhe Shqipëri, për të mbështetur avancimin e tyre drejt integrimit në BE, duke promovuar bashkëpunimin rajonal.
Veprimtaritë e projektit i përgjigjen nevojave të përbashkëta dhe specifike të këtyre vendeve për transferim të njohurive mbi ekonominë e kaltër të qëndrueshme, një fushë në të cilën Italia, Kroacia dhe Sllovenia kanë përvojë të konsoliduar.

TRUE BLUE organizoi një trajnim për trajnerë, i zbatuar nga OGS, EMUNI dhe IOR, për të përmirësuar kapacitetet e zyrtarëve kyç të administratës publike, të cilët janë në pozita për të transferuar njohuritë te kolegët e tyre, duke rritur kapacitetin institucional të Shqipërisë, Bosnjës dhe Hercegovinës dhe Malit të Zi.

InSET, si partner shqiptar, kontribuoi në lehtësimin e procesit të aplikimit dhe përzgjedhjes së trajnuarve, për t’iu përgjigjur në mënyrë efektive sfidave aktuale të tranzicionit të gjelbër, me fokus në strategjitë e BE-së për arritjen e një ekonomie të kaltër të qëndrueshme.

Përfituesit e njohurive, UNSA, UoM dhe InSET, kontribuan në shpërndarjen e praktikave të mira dhe planifikimin e bashkëpunimit rajonal përmes katër punëtorive tematike, të zbatuara nga koordinatori i projektit në bashkëpunim të ngushtë me ta.
Kjo veprimtari lehtëson bashkëpunimin rajonal mes aktorëve të ndryshëm, brenda dhe mes vendeve, me fokus në përfshirjen e të gjithë aktorëve të kërkimit dhe akademisë, industrisë, qeverisë dhe shoqërisë civile.

Aktivitetet e projektit po kontribuojnë në krijimin e një komuniteti të qëndrueshëm të Ekonomisë së Kaltër, të përbërë nga zyrtarë të administratës publike në vendet përfituese, të cilët do të mund të bashkëpunojnë edhe pas përfundimit të projektit.

Trajnimi i trajnerëve është organizuar në Trieste (Itali) dhe në Piran (Slloveni) nga 10 deri më 14 qershor 2024, për të mbështetur trajnimin dhe kërkimin për të rritur potencialin e Ekonomisë së Kaltër të qëndrueshme.
Ai mirëpriti 15 zyrtarë të administratës publike nga Shqipëria, Bosnja dhe Hercegovina dhe Mali i Zi, të cilët morën pjesë aktive në ligjëratat e trajnimit të trajnerëve, vizitat në terren dhe aktivitetet interaktive, me fokus në temat e ekonomisë së kaltër të qëndrueshme, në perspektivën e përparimit drejt standardeve dhe politikave të BE-së.

Për më shumë informacion mbi projektin dhe aktivitetin e trajnimit të trajnerëve, shikoni këtë lidhje:
👉 https://bit.ly/3T9T6u1

InSET, si partner lokal me OGS, bashkë-organizoi #workshop-in:
“Sfidat për arritjen e një Ekonomie të Kaltër të Qëndrueshme në Shqipëri, me prioritet cilësinë e ujit nga Portet e Gjelbërta deri te Turizmi i Qëndrueshëm.”

Workshop-i u zhvillua në ambientet e Autoritetit Portual Durrës, ku u diskutuan sfidat kryesore mjedisore dhe praktikat më të mira në ekonominë e kaltër.
Gjatë workshop-it pati mundësi të forta për rrjetëzim me projekte të tjera si:

• ASAP: https://www.cei.int/news/10073/marine-protection-and-challenges-to-blue-growth-in-albania-joint-event-in-durres
• TREASURE: https://www.cei.int/events/treasure-3rd-meeting-and-innovative-solution-workshop-on-water-managementquality-and-bio-diversity

Diskutimet theksuan nevojën për qasje të integruara për të forcuar sektorin e turizmit të qëndrueshëm në Shqipëri, në kuadër të Strategjisë së Specializimit të Zgjuar (Smart Specialization Strategy), duke shfrytëzuar potencialin e Ekonomisë së Kaltër.

Nga menaxhimi i cilësisë së ujit, te portet e gjelbra dhe turizmi i qëndrueshëm, diskutimet sollën në pah nevojën urgjente për bashkëpunim dhe inovacion për të mbrojtur sektorët bregdetarë dhe detarë të Shqipërisë.