Partneri i UNWTO për vitin e Turizmit të Qëndrueshëm Konferenca e Parë, Ndërtimi i Partneriteteve Publike-Private për Zhvillimin e Turizmit të Qëndrueshëm

Konferenca e organizuar nën promovimin e UNWTO gjatë vitit të Turizmit të Qëndrueshëm, mblodhi përfaqësues nga një gamë të gjerë aktorësh publikë dhe privatë për të diskutuar mundësitë dhe sfidat në lidhje me turizmin e qëndrueshëm, në Shqipëri dhe rajon.
Qëllimi i konferencës ishte të trajtonte nevojën emergjente për të nisur një partneritet të qëndrueshëm dhe afatgjatë ndërmjet aktorëve publikë dhe privatë në Shqipëri, duke u rreshtuar me objektivat e institucioneve ndërkombëtare për arritjen e qëndrueshmërisë në ekonominë globale.
Qëllimi i veçantë ishte të prezantoheshin mundësitë dhe praktikat më të mira të Shqipërisë Jugore për implementimin e turizmit të qëndrueshëm, si një shembull në vend dhe më gjerë, në rajonin e Ballkanit, për arritjen e SDG-ve.
Organizata e Kombeve të Bashkuara për Turizmin Botëror (UNWTO) e certifikoi InSET, si një Organizatë të Shoqërisë Civile (CSO) që operon në nivel kombëtar dhe rajonal, me fokus në zhvillimin e qëndrueshëm. InSET propozi për organizimin e Konferencës së Parë për Zhvillimin e Qëndrueshëm në Shqipëri, më 24 nëntor 2017, për Vitin Ndërkombëtar të Turizmit të Qëndrueshëm. Konferenca mblodhi aktorë të ndryshëm në sektorin e turizmit në Shqipëri, veçanërisht për qëllimin e zhvillimit të turizmit të qëndrueshëm: vendimmarrës, universitete, operatorë turistikë, biznese private në turizëm dhe OJQ ndërkombëtare.
Si partner kryesor dhe organizator i konferencës, InSET bashkëpunoi me Ministrinë e Turizmit dhe Agjencinë për Zhvillim Rajonal (RDA 4), një institucion publik shqiptar, i krijuar me vendim të Këshillit të Ministrave Nr. 961/02/12/2015, në kuadër të politikave të reja qeveritare shqiptare për zhvillimin rajonal.

Qëllimet e përbashkëta mes InSET dhe RDA 4, në kuadër të IY ST4D janë:

• Krijimi dhe vendosja e modeleve të partneriteteve publike-private për interesa të përbashkëta zhvillimi.
• Inkurajimi i një patterni më të gjerë të bashkëpunimit dhe promovimi i partneriteteve rajonale dhe ndërrajonale.

Organizimi i konferencës ishte i mundur falë partneritetit të ngritur me institucionet e mëposhtme:

• Bashkia e Vlorës
• Ministria e Turizmit dhe Mjedisit
• OJQ-të
• Përshtatësit e Shoqatës së Operatorëve Turistikë në Vlorë dhe Tiranë
• Fondacione Kombëtare dhe Ndërkombëtare që operojnë në sektorin e turizmit në Vlorë
• Bashkia e Himarës
• Bashkia e Gjirokastrës
• Universiteti i Vlorës

Organizimi krijoi një bazë të fortë për edicionet e ardhshme të konferencës në kuadër të arritjes së SDG-ve, duke u përpjekur vazhdimisht për të:

• Bashkuar aktorët e ndryshëm në sektorin e turizmit në rajonin jugor të Shqipërisë, veçanërisht për qëllimin e zhvillimit të turizmit të qëndrueshëm.
• Rritur ndërgjegjësimin mes të gjithë aktorëve se turizmi i qëndrueshëm, i aksesueshëm dhe i përgjegjshëm realizohet duke punuar së bashku, dhe se ky model turizmi është një mënyrë për të arritur zhvillimin.
• Inkurajuar diskutime profesionale mbi turizmin e qëndrueshëm (forma alternative dhe / ose masive, trashëgimia dhe turizmi i qëndrueshëm).
• Rritur njohuritë mbi SDG-të në sektorin privat, pasi ka një mungesë të dukshme njohurish në këtë sektor, i cili do të promovojë praktikat dhe shërbimet e qëndrueshme në sipërmarrjet turistike në rajon.
• Rritur ndërgjegjësimin e komuniteteve mbi potencialin dhe mënyrën e punës së tyre, duke nisur kështu një rrugë të re zhvillimi në turizëm: duke ruajtur kontaktet me aftësitë e duhura përmes turizmit të qëndrueshëm.